RHAN 3Cyfyngiadau ar hyrwyddo a chyflwyno bwyd penodedig
Cyfyngu ar hyrwyddiadau pris ar gyfer bwyd penodedig
regulation 5 5.—(1) Ni chaiff person cymhwysol gynnig bwyd penodedig ar werth fel rhan o hyrwyddiad pris ar sail swmp (naill ai mewn siop neu ar farchnadle ar-lein).
(2) Yn y rheoliad hwn, ystyr “hyrwyddiad pris ar sail swmp” yw—
regulation 5 2 a (a)hyrwyddiad amleitem, sef cynnig datganedig sy’n rhoi cymhelliad ariannol dros brynu eitemau lluosog o gymharu â phrynu pob eitem ar wahân (gan gynnwys “3 am bris 2”, “3 am £10”, neu “prynu 6 ac arbed 25%”);
regulation 5 2 b (b)hyrwyddiad sy’n dangos bod eitem, neu unrhyw ran o eitem, yn rhad ac am ddim (gan gynnwys “50% yn ychwanegol am ddim”, neu “prynu un eitem a chael un arall am ddim”).
(3) Nid yw hyrwyddiad amleitem yn cynnwys cynnig arbennig perthnasol.
Cyfyngu ar gyflwyno bwyd penodedig – mewn siop
regulation 6 6.—(1) Ni chaiff person cymhwysol gyflwyno bwyd penodedig y tu mewn i siop—
regulation 6 1 a (a)o fewn 2 fetr i gyfleuster talu, oni bai bod y bwyd penodedig wedi ei gyflwyno mewn eil (ond nid ar ei phen draw);
regulation 6 1 b (b)o fewn 2 fetr i ardal giwio ddynodedig, oni bai bod y bwyd penodedig wedi ei gyflwyno mewn eil (ond nid ar ei phen draw);
regulation 6 1 c (c)mewn arddangosiad—
regulation 6 1 c i (i)sydd ar ben draw eil (ond nid yn yr eil), na
regulation 6 1 c ii (ii)sydd ar strwythur ar wahân (megis bin ynys, uned annibynnol, pentwr ochr neu stribed clipiau) sydd wedi ei gysylltu â phen draw eil, neu’n gyfagos iddo, neu o fewn 50 centimetr iddo;
regulation 6 1 d (d)mewn unrhyw fan o fewn y pellter gwaharddedig oddi wrth ganolbwynt unrhyw fynedfa gyhoeddus i brif ardal siopa’r siop;
regulation 6 1 e (e)mewn ardal allanol sydd wedi ei gorchuddio.
(2) Nid yw’r rheoliad hwn yn gymwys i’r naill neu’r llall o’r canlynol—
regulation 6 2 a (a)siopau y mae arwynebedd perthnasol y llawr yn llai na 185.8 metr sgwâr;
regulation 6 2 b (b)siopau nad ydynt ond yn gwerthu bwyd o un categori a restrir yn Atodlen 1 neu sy’n gwerthu bwyd o’r fath yn bennaf.
(3) Yn y rheoliad hwn—
regulation 6 3 a (a)ystyr “cyfleuster talu” yw cyfleuster y bwriedir i ddefnyddwyr ei ddefnyddio i brynu, gan gynnwys terfynell hunanwasanaeth a chownter lle y defnyddir til arian parod (gan gynnwys yr ardal y tu ôl i gownter o’r fath);
regulation 6 3 b (b)ystyr “ardal allanol sydd wedi ei gorchuddio” yw ardal o dan orchudd, sydd y tu allan ac wedi ei chysylltu â phrif ardal siopa siop, y mae’r cyhoedd yn pasio drwyddi er mwyn mynd i mewn i’r brif ardal siopa (megis cyntedd, lobi neu festibwl);
regulation 6 3 c (c)ystyr “ardal giwio ddynodedig” yw ardal sydd wedi ei neilltuo a’i marcio at ddiben darparu lle i ddefnyddwyr aros i brynu;
regulation 6 3 d (d)ystyr “pellter gwaharddedig” yw’r lleiaf o blith 15 metr neu’r ateb i’r fformiwla a ganlyn—
lle ɑ yw arwynebedd perthnasol y llawr yn y siop;
regulation 6 3 e (e)ystyr “arwynebedd perthnasol y llawr” yw arwynebedd mewnol llawr siop mewn adeilad, ac eithrio unrhyw ran o’r siop—
regulation 6 3 e i (i)nas defnyddir ar gyfer arddangos nwyddau neu ar gyfer gwasanaethu cwsmeriaid mewn cysylltiad â gwerthu nwyddau (megis mannau storio),
regulation 6 3 e ii (ii)a ddefnyddir yn bennaf ar gyfer paratoi neu werthu bwyd y bwriedir iddo gael ei fwyta ar unwaith, naill ai ar neu oddi ar y fangre (gan gynnwys siop goffi neu ffreutur),
regulation 6 3 e iii (iii)sy’n ystafell a ddefnyddir i ymgynghori â chwsmeriaid mewn cysylltiad ag unrhyw wasanaethau meddygol (megis fferyllfa neu wasanaethau optegydd) a gynigir yn y siop, neu
regulation 6 3 e iv (iv)sydd wedi ei meddiannu gan fusnes heblaw’r busnes sy’n bennaf cyfrifol am reoli a gweithredu’r siop (“consesiwn”), ond dim ond pan fo’r consesiwn yn gweithredu ei gyfleusterau talu ei hun.
Cyfyngu ar gyflwyno bwyd penodedig – ar-lein
regulation 7 7.—(1) Ni chaiff person cymhwysol beri i fwyd penodedig gael ei gynnig ar werth ar farchnadle ar-lein—
regulation 7 1 a (a)ar dudalen gartref (pa un a yw’r defnyddiwr yn mynd i mewn i’r marchnadle ar-lein drwy’r dudalen gartref ai peidio);
regulation 7 1 b (b)tra bo defnyddiwr yn chwilio am gynhyrchion heblaw bwyd Atodlen 1 neu’n pori drwy gynhyrchion o’r fath, oni bai bod paragraff (4) neu (5) yn gymwys;
regulation 7 1 c (c)tra bo defnyddiwr yn chwilio am fwyd Atodlen 1 neu’n pori drwy fwyd o’r fath, oni bai—
regulation 7 1 c i (i)bod y bwyd penodedig yn dod o fewn yr un categori yn Atodlen 1, neu
regulation 7 1 c ii (ii)bod paragraff (4) neu (5) yn gymwys;
regulation 7 1 d (d)ar dudalen nas agorir yn fwriadol gan y defnyddiwr (megis tudalen “naid” neu “hyrddiad brandio”);
regulation 7 1 e (e)ar dudalen hoff gynhyrchion, oni bai bod y defnyddiwr wedi prynu’r bwyd penodedig o’r blaen (naill ai mewn siop neu ar farchnadle ar-lein) neu wedi ei nodi’n fwriadol fel hoff gynnyrch, ond ni chaniateir rhoi mwy o amlygrwydd i fwyd penodedig nag i gynhyrchion eraill ar dudalen hoff gynhyrchion;
regulation 7 1 f (f)ar dudalen dalu.
(2) Nid yw paragraff (1) yn gwahardd cynnig bwyd penodedig ar werth ar dudalen a agorir yn fwriadol gan ddefnyddiwr at ddiben pori drwy gynigion arbennig yn gyffredinol.
(3) Nid yw’r rheoliad hwn yn gymwys mewn cysylltiad â busnes cymhwysol nad yw ond yn gwerthu bwyd o un categori a restrir yn Atodlen 1 neu sy’n gwerthu bwyd o’r fath yn bennaf.
(4) Mae’r paragraff hwn yn gymwys—
regulation 7 4 a (a)pan fo defnyddiwr yn chwilio am fwyd neu’n ei bori (pa un a yw’n fwyd penodedig ai peidio), a
regulation 7 4 b (b)pan fo’r person cymhwysol yn peri i fwyd penodedig gael ei gynnig ar werth ynghyd â’r bwyd y cyfeirir ato yn is-baragraff (a) fel rhan o gynnig arbennig perthnasol.
(5) Mae’r paragraff hwn yn gymwys—
regulation 7 5 a (a)pan fo defnyddiwr yn pori drwy gategori cyffredinol o gynnyrch sy’n cynnwys y bwyd penodedig (megis categorïau sy’n ymwneud â thymor, neu nodweddion maeth neu ddeiet);
regulation 7 5 b (b)mewn perthynas â chwilio—
regulation 7 5 b i (i)pan fo defnyddiwr yn chwilio am gategori cyffredinol o gynnyrch sy’n cynnwys y bwyd penodedig;
regulation 7 5 b ii (ii)pan fo term chwilio a fewnbynnwyd gan y defnyddiwr yn cyfateb yn gyfan gwbl neu’n rhannol—
regulation 7 5 b ii aa (aa)i’r enw y mae’r bwyd penodedig wedi ei farchnata odano, neu
regulation 7 5 b ii bb (bb)i gynhwysyn sydd wedi ei restru ar becynwaith y bwyd penodedig.
(6) Yn y rheoliad hwn—
regulation 7 6 a (a)ystyr “tudalen dalu” yw tudalen a ddangosir i ddefnyddiwr fel rhan o’r broses dalu, megis tudalen sy’n rhestru eitemau y mae’r defnyddiwr wedi eu dethol hyd hynny i’w prynu, neu dudalen sy’n ymdrin â thalu, casglu neu ddanfon;
regulation 7 6 b (b)ystyr “tudalen hoff gynhyrchion” yw tudalen a agorir gan ddefnyddiwr at ddiben pori drwy gynhyrchion y mae wedi eu prynu o’r blaen neu wedi eu nodi’n fwriadol fel hoff gynhyrchion;
regulation 7 6 c (c)ystyr “tudalen gartref” yw unrhyw un neu ragor o—
regulation 7 6 c i (i)tudalen gyhoeddus lefel uchaf marchnadle ar-lein;
regulation 7 6 c ii (ii)tudalen gyhoeddus lefel uchaf adran groser marchnadle ar-lein.